Leo ni siku ya ndege wanaohama duniani na kwa mara ya kwanza mwaka huu inajikita na umuhimu wa wadudu kwa ajili ya ndege wanaohama na kuainisha kuhusu hofu ya kupungua kwa idadi ya wadudu.
Hii leo Baraza kuu la Umoja wa Mataifa -UNGA limepitisha azimio namba A/ES-10/L.30/Rev.1. la kuongezea taifa la Palestina haki ndani ya Baraza hilo, haki ambazo nchi nyingine 193 wanachama wanazo ndani ya Baraza hili, ingawa halitapata haki ya kupiga kura ndani ya chombo hicho cha ngazi ya juu cha maamuzi cha Umoja wa Mataifa.
Bila dalili ya kusitisha operesheni ya kijeshi ya Israel katika mji wa kusini mwa Gaza wa Rafah leo Ijumaa, wahudumu wa kibinadamu wa Umoja wa Mataifa wametoa wito mpya wa kusitishwa kwa mapigano kama "tumaini pekee la kuepusha umwagaji damu zaidi na kurejesha misaada inayohitajika kuliko wakati mwingine wowote”.
Katibu Mkuu wa Umoja wa Mataifa Antonio Guterres aliyeko Nairobi Kenya kushiriki mkutano wa Umoja wa Mataifa wa mashirika yasiyo ya kiserikali, UNCSC amezungumza na waandishi wa habari ambapo pamoja na mambo mengine amesema wakati huu ambapo bara la Afrika linakabiliwa na madhara ya mabadiliko ya tabianchi, bara hilo linaweza kuwa jabalí wa uzalishaji nishati jadidifu duniani iwapo litawezeshwa.
Tukiangazia bado Mkutano wa Umoja wa Mataifa wa asasi za kiraia (UNCSC) uliofanyika jana na kufikia tamati leo Mei 9, miongoni mwa waliohudhuria ni Ally Mwamzola kutoka Asasi ya Umoja wa Mataifa Tanzania (UNA Tanzania).
Mkuu wa shirika la Umoja wa Mataifa la msaada kwa wakimbizi wa Kipalestina UNRWA limefunga kwa muda makao yake makuu ya Jerusalem Mashariki katika eneo linalokaliwa baada ya shambulio la moto leo Alhamisi kufuatia wiki kadhaa za maandamano.
Leo mkutano wa Umoja wa Mataifa wa asasi za kiraia umeng’oa nanga ukiwaleta pamoja washiriki zaidinya 3000 kutoka kila kona ya dunia wakijumuisha wawakilishi kutoka asasi za kiraia, serikali, maafisa wa Umoja wa Mataifa, vijana waleta mabadiliko, wanazuoni, wadau wengine na vyombo vya habari wakifanya majadiliano ya awali na kutoa takwimu kuelekea mkutano wa wakati ujao utakaofanyika New York Marekani mwezi Septemba mwaka huu.
Je wajua kuwa matumizi yasiyo sahihi ya katheta hospitalini yanaweza kusababisha kifo cha mgonjwa? Pengine wajiuliza katheta ni nini? Shirika la Umoja wa Mataifa la afya ulimwenguni, WHO, linafafanua kuwa katheta ni neli au bomba dogo linaloingizwa kwenye mshipa mdogo wa damu wakati wa tiba au uchunguzi wa mgonjwa.
Zaidi ya watu 30,000 waliokimbia makazi yao kutokana na ghasia za magenge ya uhalifu katika mji mkuu wa Haiti, Port-au-Prince, wanapata maji safi ya kunywa kutokana na msaada wa shirika la Umoja wa Mataifa la kuhudumia watoto UNICEF na washirika wake.
Hali ya usalama huko Goma, mji mkuu wa jimbo la Kivu Kaskazini, mashariki mwa Jamhuri ya Kidemokrasia ya Congo, DRC imeripotiwa kuwa tulivu, ikiwa ni takribani wiki moja baada ya mlipuko kwenye kambi ya wakimbizi uliosababisha vifo vya raia 18 na makumi kadhaa walijeruhiwa.
